बुटवल । सिद्धार्थ राजमार्गअन्तर्गत बुटवल-पाल्पा सडकखण्ड भोलि (मंसिर १४) देखि दैनिक चार घण्टा बन्द हुने भएको छ ।
झुम्सा–दोभान खण्डमा घुम्तीका मोड काट्न तथा सडक कालोपत्रे गर्न मंसिर १४ गते आइतबारदेखि मंसिर १८ गतेसम्म दैनिक चार घण्टा सवारी आवागमन बन्द गरिने डिभिजन सडक कार्यालय पाल्पाले जनाएको छ ।
५ दिनसम्म हरेक दिन बिहान १०ः३० देखि १२ः३० बजेसम्म र दिउँसो २ देखि ४ बजेसम्म सवारी आवागमन बन्द गरिने डिभिजन सडक कार्यालय पाल्पाका प्रमुख मुकुन्दराज अधिकारीले जानकारी दिए ।
ती समयबाहेक अन्य समयमा भने सवारी साधन यथावत सञ्चालन हुनेछन् । अघिल्लो हप्तामा सडक डिभिजनले पाल्पा-गुल्मी सडकखण्डमा पनि मोड काट्न र वर्षामा गएको पहिरो हटाउन १० दिन सम्म सडक बन्द गरेर काम सुचारु गरेको थियो । घुम्तीका कारण अत्यधिक दुघर्टना भएपछि सडक डिभिजनले घुम्ती काट्ने र खाल्डाखुल्डी पुर्ने, कालोपत्रे गर्ने कामलाई अघि बढाएको छ ।
प्रतिक्रिया