काठमाडौं । चिनियाँ रक्षामन्त्री एवं स्टेट काउन्सिलर वेइ फेङ्हे नेपाल आइपुगेका छन् ।
रक्षामन्त्री वेइ केही बेर अघि त्रिभुवन अन्तर्राष्ट्रिय विमानस्थलमा अवतरण गरेका छन् ।
एक दिने नेपाल भ्रमणमा आएका रक्षामन्त्री वेइले राष्ट्रपति विद्यादेवी भण्डारी, प्रधानमन्त्री केपी शर्मा ओली र नेपाली सेनाका प्रधानसेनापति पूर्णचन्द्र थापासँग भेटवार्ता गर्नेछन् ।
वेइले सुरुमा चिनियाँ राजदूतावासमा आयोजना हुने कार्यक्रममा सहभागी भएपछि रक्षामन्त्री वेइ करिब २ बजे उनी सैनिक मुख्यालय जंगी अड्डामा पुग्ने कार्यक्रम रहेको छ । उनलाई नेपाली सेनाले सेनाले ‘गार्ड अफ अनर’ले सम्मान गर्नेछ ।
जंगी अड्डामै वेईले प्रधानसेनापति पूर्णचन्द्र थापासँग द्विपक्षीय भेटवार्ता गर्ने कार्यक्रम छ । त्यसपछि उनी प्रधानमन्त्री केपी शर्मा ओलीसँग भेटवार्ता गर्न प्रधानमन्त्री निवास बालुवाटार पुग्नेछन् ।
प्रधानमन्त्री ओलीसँग दुईपक्षीय भेटवार्ता सकिएपछि वेई राष्ट्रपति कार्यालय पुगेर राष्ट्रपति विद्यादेवी भण्डारीलाई भेटगर्ने कार्यक्रम रहेको छ । राष्ट्रपतिसँग भेटसकिएपछि उनी बंगलादेश प्रस्थानका लागि त्रिभुवन विमानस्थल जानेछन् ।
वेइले नेपाल र चीनबीचको दुईपक्षीय सम्बन्धलाई थप मजबुतीबारे उच्च राजनीतिक भेटवार्ताका क्रममा नेपालको धारणाबारे बुझ्नेछन् ।
कोरोना भाइरसपछि रोकिएको सबैखाले दुईपक्षीय सहयोग संयन्त्रलाई अघि बढाउन रक्षामन्त्री वेइको भ्रमणले सहयोग पुग्ने विश्लेषण नेपाली र चिनियाँ अधिकारीहरुले गरेका छन् ।
प्रतिक्रिया