बुटवल । मृगौला रोगका कारण लामो समयदेखि उपचाररत गुल्मीकी एक महिलालाई उनको छोराले पढ्ने विद्यालयका विद्यार्थाीहरुले आर्थिक सहयोग पठाएका छन् ।
गुल्मी बाँसखर्ककी ४० वर्षीया जमुना बिकलाई उनको छोराले अध्ययन गर्ने ज्ञवा बलेटक्सार माबिका विद्यालयका विद्यार्थाीहरुले आर्थिक सहयोग पठाएका हुन् ।
विद्यार्थीहरुले उठाएको पैसामा केहि रकम थपेर विद्यालय व्यवस्थापन समितिको अध्यक्ष तोयनारायण ज्ञवालीले मृगौला पीडित जमनालाई हस्तान्तरण गरेका छन् ।
अध्यक्ष ज्ञवालीले विद्यार्थीको रकमसहित ३० हजार नगद गौतम बुद्ध सामूदायिक मुटु अस्पताल बुटवलमामा उपचार गराइरहेकी बिकलाई हस्तान्तरण गरेका थिए ।
विगत ६ महिनादेखि मृगौलाको उपचार गराउने क्रममा सम्पत्ती सकिएपछि थप उपचारका लागि समस्या परेको भन्ने खबर सुनेका आधारमा घर छिमेकका विद्यार्थीहरुले आर्थिक सहयोग पठाएका हुन् ।
आर्थिक स्थिति कमजोर भएकी जमुनाको ६ महिना पहिले मृगौलामा समस्या आएपछि उपचार गराइरहेकी छिन् । लामो समय भारतमा उपचार गराउने क्रममा धेरै रकम खर्च भएको तर समस्या जस्ताको तस्तै रहेको मृगौला पीडित जमुना बिकले बताईन् । जमुनाले हाल बुटवल स्थित गौतम बुद्ध सामूदायिक मुटु अस्पतालमा डायलासिस गराईरहेकी छिन् । अस्पतालमा डायलासिस निशुल्क गरेपनि बुटवलको बसाई तथा औषधीको खर्च जुटाउन समस्या परेको बताईन् ।
बिद्यार्थीहरुले स्वतस्फुर्त आर्थिक सहयोग जुटाएको र बिद्यार्थीले उठाएको रकममा बिद्यालयका शिक्षक तथा ब्यवस्थापन समितिले केहि थप गरेर सहयोग प्रदान गरिएको समितिका अध्यक्ष ज्ञवालीले बताए ।
जमुनालाई यसअघि गुल्मीबाट बिदेशमा गएर बसेका नेपालीहरुले पनि जमुनाको उपचारका लागि आर्थिक सहयोग पठाएका थिए । आफ्नो सहपाठीको आमाको उपचारका लागि खाजा खर्च जोगाएर रकम जम्मा गरेको समेत ज्ञवालीले बताए ।
प्रतिक्रिया