कैलाली । श्रम तथा रोजगारमन्त्री गौरीशंकर चौधरीले पुष्पकमल दाहाल प्रचण्ड अवसरवादी भएको आरोप लगाएका छन् ।
कैलालीको भजनीमा मंगलबार नेपाल कम्युनिष्ट पार्टी नेकपाको ओली पक्षद्वारा आयोजित नगरस्तरीय कार्यकर्ता भेलालाई सम्बोधन गर्दै मन्त्री चौधरीले अब कहिल्यै प्रचण्डसँग जान नसकिने जिकिर गरे । चौधरी केही दिन अघिसम्म प्रचण्ड पक्षका सांसद थिए ।
लामो समय प्रचण्डलाई साथ दिए पनि उनमा अवसरवादी चरित्र रहेका कारण पद प्राप्तीका लागि जता पनि जान सक्ने देखिएका कारणल आफुरुले उनलाई छोडेको चौधरीले बताए ।
मन्त्री चौधरीले प्रचण्ड र माधव नेपाल पदका लोभी भएको दाबी गर्दै उनीहरु धेरै दिनसम्म एकै ठाउँमा बस्न नसक्ने समेत दाबी गरे । उनीहरु केही दिनमै अलग हुने उनको भनाइ थियो ।
मन्त्री चौधरीले एक वर्षभित्र सुकुम्बासी तथा मुक्त कमैयाहरूलाई पुनर्स्थपना गर्ने दाबी गरे । उनले नेपाल भर रहेका सुकुम्बासी र मक्त कमैया लगायतका अन्य गरिव परिवारका घरको छानो सरकारले फेरिदिने बताए ।
प्रतिक्रिया