काठमाडौ । अन्तरबैंक एटिएम कारोबारमा अबदेखि शुल्क लाग्ने भएको छ । राष्ट्र बैंकले आज परिपत्र जारी गर्दै अन्तरबैंक एटिएम कारोबारमा अबदेखि शुल्क लाग्ने जनाएको हो ।
नेपाल राष्ट्र बैंकले लकडाउनपछि निशुल्क गरेको अन्तरबैंक एटिएम कारोबारमा माघ १ गतेदेखि भने प्रतिकारोबार २० रुपैयाँसम्म बैकहरूले शुल्क लिन पाउने भएका छन्।
यस्तै महिनामा दुई वटा अन्तरबैंक एटिएम कारोबारको शुल्क नलाग्ने राष्ट्र बैंकले जनाएको छ तर सो भन्दा बढीको कारोबारमा भने शुल्क लिन पाउने व्यवस्था राष्ट्र बैंकले गरेको छ।
राष्ट्र बैंकले भुक्तानी प्रणाली सम्बन्धि एकिकृत निर्देशन २०७७ मा संशोधन गरी यस्तो व्यवस्था गरेको हो। यसअघि बैंकहरुले अन्तर बैंक कारोबारमा शुल्क लिन पाउनुपर्ने माग गर्दै आएका थिए ।
प्रतिक्रिया