कावासोती । नेपाली कांग्रेसका महामन्त्री डा. शशांक कोइरालाले संविधानको रक्षा गर्नु नै आजको आवश्यक भएको बताएका छन ।
संसद बिघटनको बिरोधमा आज पुर्वी नवलपरासीको देवचुलीमा भएको विरोध सभालाई सम्बोधन गर्दै कोईरालाले संसद विघटन गरेर सरकारले संविधानमाथि कुठाराघात गरेको आरोप लगाए ।
कोइरालाले संविधान मिचिँदा काँग्रेस चुप लागेर बस्न नसक्ने जनाउँदै संविधानको रक्षा गर्नु आवश्यक भएको बताए ।
काँग्रेस महामन्त्री कोइरालाले नेकपाको विभाजनबारे निर्वाचन आयोगले छिटो टुंगो लगाउनुपर्ने बताए । आयोगले नेकपाको टुङ्गो नलगाएसम्म निर्वाचन हुन नसक्ने बताउँदै उनले भने, ‘ नेकपा फुटेको आयोगले जानकारी गराएर चुनाव चिन्ह दिनुपर्छ ।’
यही अवस्थामा अगामी वैशाखमा निर्वाचन हुने सम्भावना नरहेको उनको भनाइ थियो । तर, आउँदो चुनावमा नेपाली कांग्रेस पहिलो पार्टी हुने कोइरालाले दाबी गरे ।
महामन्त्री कोइरालाले कांग्रेसले स्वतन्त्र रुपमा एक्लै आन्दोलन गर्ने बताए ।
प्रतिक्रिया