एजेन्सी । अमेरिकी राष्ट्रपति जो बाइडेनले म्यानमारका सैन्य नेताहरूमाथि प्रतिबन्ध लगाउने एउटा कार्यकारी आदेशमा हस्ताक्षर गरेका छन ।
म्यानमारमा ‘कू’ गर्ने सैन्य जनरललाई सत्ता छोड्न आह्वान गर्दै बाइडेनले अमेरिकास्थित म्यानमारको कोषलाई फ्रिज गर्न लागेको बताएका छन । यो कदम सैनिक नेताहरू, उनीहरूका परिवारका सदस्य र सेनासँग सम्बद्ध व्यापार-व्यवसायप्रति लक्षित हुने बीबीसीले जनाएको छ ।
यो कदमले अमेरिकामा रहेको म्यानमारको एक अर्ब डलर बराबरको सरकारी कोषमा सेनाको पहुँच रोकिने छ । राष्ट्रपति बाइडेनका अनुसार अमेरिकाले यो हप्ता प्रतिबन्धको पहिलो चरणमा ती व्यक्तिलाई चिन्हित गर्नेछ जसमाथि प्रतिबन्ध लगाइनेछ ।
बाइडेनले म्यानमारको सेनालाई आफ्नो कदम फिर्ता लिन र सू चीसिहत अन्य नेताहरूलाई रिहा गर्न माग गरेका छन् । यसअघि रोहिंग्या मुस्लिमविरुद्ध दमन गरेको आरोपमा म्यानमारका कैयौँ वरिष्ठ अधिकारीहरूलाई अमेरिकाले कालोसूचीमा राखिसकेको छ ।
प्रतिक्रिया