भैरहवा । नेपाली कांग्रेसले आयोजना गरेको विरोधसभामा संसद विघटनको विपक्षमा नबोल्ने गरेको कांग्रेस सभापति देउवा रुपन्देहीमा आयोजना हुन गईरहेको विरोधसभालाई सम्बोधन गर्न सोमबार रुपन्देहीको भैरहवा आउने भएका छन् । प्राय सभाहरुमा संसद विघटन र संवैधानिक आयोगका नियुक्तिका विषयमा नरम देखिने गरेका देउवाले नेकपाको विभाजनका विषयमा बिषय केन्द्रित हुने गरेका छन् ।
कांग्रेसको केन्द्रीय कार्यक्रम अनुसार ७७ जिल्लामा हुने विरोधसभाका क्रममा देउवा सभालाई सम्बोधन गर्न रुपन्देही आउन लागेका हुन् ।
कार्यक्रमबारे जानकारी दिने उद्देश्यले भैरहवामा आयोजित पत्रकार सम्मेलनमा बोल्दै जिल्ला सभापति अब्दुल रज्जाकले वक्ताको रुपमा केन्द्रिय सभापति देउवा सहित केन्द्रिय सदस्य बालकृष्ण खाँण र संघिय संसदका लेखा समिति संयोजक भरत कुमार शाहले सम्बोधन गर्ने कार्यक्रम रहेको जानकारी दिए । उनले जनसहभागिताका लागि कांग्रेसले कुनै खर्च नगर्ने बताउँदै बिरोध कार्यक्रममा स्वतःस्फूर्त रुपमा लाखौ जनशक्ति ृपस्थित हुने दाबी गरे । कम्युनिष्टहरुले पैसाको भरमा भिड जम्मा गरेको रज्जाकको आरोप छ । नेपाली कांग्रेसका भातृ संगठन, सुभेच्छुक संस्था र क्रियाशिल सदस्य एवम अन्य सर्वसाधारण कार्यक्रममा सहभागी हुने उनले बताए ।
जिल्ला सभापति रज्जाकका अनुसार कांग्रेस जिल्ला कार्य समिति रुपन्देहीको आयोजनामा सोमबार बिहान ११ बजे सुरुहुने कार्यक्रम भैरहवाको बुद्धचोकबाट ¥यालीको आयोजना गरि नारायणपथ, मिलनचोक हुदै हनुमान मन्दिरमा पुगेर बिरोध सभामा परिणत हुने छ ।
यस्तै पत्रकार सम्मेलनमा बोल्दै नेपाली कांग्रेसका केन्द्रिय सदस्य बालकृष्ण खाँणले ओली सरकार अहिले निरंकुश हुदै गएकोले त्यसैको बिरोध स्वरुप बिरोध कार्यक्रमहरुको आयोजना गरिएको बताए । खांणले मानवअधिकार आयोग र राष्ट्रिय सुरक्षाको मुद्दालाई कमजोर बनाउन ओलीले विधेयक ल्याएको आरोप लगाए । संविधानको प्रतिकुलमा ओलीले थुप्रै विधेयक ल्याएको जिकीर गर्दै खांणले ओलीले सेनालाई एक्लै चलाउने खालको विधेयक समेत ल्याएको बताए ।
ओली सरकारको प्रतिगामी कदमको बिरोधमा र संविधानको रक्षाको लागी सबै लोकतान्त्रिक शक्तिहरुलाई कांग्रेसको बिरोध सभामा सहभागी हुन नेपाली कांग्रेस रुपन्देहीले आव्हान समेत गरेको छ ।
प्रतिक्रिया