काठमाडौं । प्रदेश २ का प्रदेश प्रमुखमा तिलक परियारलाई हटाएपछि नियुक्त भएका प्रदेश प्रमुख प्रमुख राजेश झाले पद तथा गोपनियताको शपथ लिएका छन् ।
आजै दिउँसो नियुक्त भएका प्रदेश प्रमुख झालाई शुक्रबार साँझ शीतलनिवासमा राष्ट्रपति विद्यादेवी भण्डारीले पद तथा गोपनियताको शपथग्रहण गराएकी हुन्।
प्रदेश प्रमुखको शपथग्रहण समारोहमा उपराष्ट्रपति नन्दबहादुर पुन र प्रतिनिधिसभाका सभामुख अग्नी प्रसाद सापकोटा भने देखिएनन् । समारोहमा प्रधानमन्त्री केपी शर्मा ओली, राष्ट्रिय सभाका अध्यक्ष गणेशप्रसाद तिमिल्सिनाको मात्र उपस्थिती रहेको थियो ।
शुक्रबार दिउँसो राष्ट्रपति विद्यादेवी भण्डारीले मन्त्रिपरिषदको सिफारिसमा प्रदेश २ प्रमुखबाट परियारलाई हटाएर नयाँ प्रदेश प्रमुखमा झालाई नियुक्त गरेकी थिईन् ।
प्रतिक्रिया