संसद भवन प्रवेश गर्न कोरोना विरुद्धको खोप लगाउन अनिवार्य, सभामुख, मन्त्री र सांसदहरुले बुधबार खोप लगाउने

खबर कुरा
१८ फाल्गुन २०७७, मंगलवार

काठमाडौं । सर्वोच्च अदालतले पुनर्स्थापना गरिदिएपछि २३ गते देखि बस्न गईरहेको प्रतिनिधिसभा बैठक बस्नु अगावै संघिय सरकारका मन्त्री तथा सांसदहरुले कोरोना विरुद्धको खोप लगाउने भएका छन् ।

राष्ट्रिय स्वास्थ्य शिक्षा सूचना तथा सञ्चार केन्द्रका अनुसार मन्त्री र सांसदहरुलाई खोप लगाउन भोली बुधबारको लागि समय निर्धारण गरिएको छ । सरकारले सभामुख,मन्त्री र सांसदहरुलाई बानेश्वरस्थित सिभिल अस्पतालमा गएर खोप लगाउन आग्रह गरेको छ ।

कोरोनाविरुद्धको खोप बिहान १० बजेदेखि खोप लगाउन सकिने गरि व्यवस्था मिलाईएको केन्द्रले जनाएको छ । यस अघि बसेको संसदको बैठकमा कोरोना परीक्षण गरेरमात्र प्रवेश दिईएकोमा यस पटक भने कोरोना विरुद्धको खोप लगाएर मात्र बैठकमा भाग लिन पाईने व्यवस्था गरिएको छ ।

 

यसमा तपाइको मत

Your email address will not be published. Required fields are marked *


*