कोरोना विरुद्धको चिनियाँ खोप ‘भेरासेल’ आज नेपाल आईपुग्दै

काठमाडौं । चीन सरकारले सहयोगकारुपमा उपलब्ध गराउने घोषणा गरेको कोरोना विरुद्धको चिनियाँ खोप आज काठमाडौं आईपुग्ने भएको छ । चीन सरकारले निशुल्क उपलब्ध गराउने घोषणा गरेको आठ लाख डोज खोप आज काठमाडौं आउन लागेको हो ।

खोप ल्याउनका लागि आईतबार चीनको राजधानी बेईजिङ पठाईएको राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को वाइडबडी ३३० जहाजले सोमबार राति साढे आठ बजे त्रिभुवन अन्तर्राष्ट्रिय विमानस्थलमा खोप ल्याईपु-याउने नेपाल वायुसेवा निगमले जनाएको छ ।

गत माघ महिनामा भारत सरकारले १० लाख डोज खोप नेपाललाई समयोग स्वरुप उपलब्ध गराएलगत्तै चीनले नेपाललाई ८ लाख डोज कोरोनाविरुद्धको ‘भेरासेल’ खोप नेपाललाई उपलब्ध गराउन घोषणा गरेको थियो ।

चीनको सिनोभ्याक बायोटेकले उत्पादन गरेको सो खोपलाई २ देखि ८ डिग्री सेल्सियसमा भण्डारण गर्न सकिने बिज्ञहरुले बताएका छन् । कोभिशिल्ड जस्तै चिनिया खोप पनि दुई मात्रा लगाउनुपर्ने खोप बिज्ञहरुले भनेका छन् ।

यसअघि भारत सरकारले भारतकै सिरम इन्सटिच्युटले उत्पादन गरेको कोभिसिल्ड खोपको १० लाख डोज खोप नेपाललाई अनुदानमा उपलब्ध गराएको थियो ।