बुटवल । नेकपा एमालेको नेपाल पक्षले रुपन्देहीमा पनि समानान्तर जिल्ला कमिटी गठन गरेको छ । पार्टी एकिकरण भएर नेकपा भएकै अवस्थामा अध्यक्ष बनाईएका युवा नेता राजु गुरुङलाई समानान्तर कमिटीको अध्यक्ष बनाईएको छ । नेपाल कम्युनिष्ट पार्टी नेकपा अस्तित्वमा रहेकै अवस्थामा नेपाल प्रचण्ड पक्षले गुरुङलाई अध्यक्ष बनाएर अध्यक्ष रहेका बुटवल उपमहानगरका मेयर शिवराज सुबेदीलाई अध्यक्षबाट हटाईएको थियो ।
नेकपा एमालेका उपाध्यक्ष युवराज ज्ञवाली र उपमहासचिव घनश्याम भुसालको उपस्थितिमा नेपाल पक्षले २०५ सदस्सीय जिल्ला कमिटी घोषणाा गरेको हो।
नेपाल पक्षीय जिल्ला कमिटीको उपाध्यक्षमा पुरूषोत्तम घिमिरे, सचिवमा तिलोत्तमा नगरपालिकाकी उपप्रमुख जागेश्वरीदेवी चौधरी र उपसचिवमा सिद्धिचरण भट्टराई रहेका छन् ।
जिल्ला कमिटीको विस्तारित बैठकबाट एमाले रुपन्देही जिल्ला कमिटीको पुनर्गठन गरिएको नव गठित जिल्ला कमिटीका सह सचिव सिद्धिचरण भट्टराईले जानकारी दिए । उनले बैठकले क्षेत्रीय कमिटी, पालिकास्तरीय ईन्चार्ज र जनवर्गीय संगठनमा संयोजकसमेत तोकिएको जिल्ला सदस्य खेम लुइटेलले जानकारी दिए।
देशैभर एमालेमा विवाद चुलिँदै गएपछि नेपाल पक्षले समानान्तर कमिटी घोषणालाई तीव्रता दिएको छ। यसअघि नेपाल पक्षले लुम्बिनी प्रदेशका अर्घाखाँची, नवलपरासी र बाँकेमा समानान्तर कमिटी पुनर्गठन गरिसकेको छ।
प्रतिक्रिया