१६ चैत्र २०८०, शुक्रबार | March 29, 2024

संक्रमितले भरिए नेपालगन्ज र बुटवलको कोरोना अस्पताल, नयाँ संक्रमित आए सडकको बास



नेपालगन्ज । कोरोना माहामारीले बिकराल स्वरुप ग्रहण गरिसक्दा लुम्बिनी प्रदेशका दुई प्रमुख शहरमा संक्रमितहरुले उपचार नपाउने अवस्था सिर्जना भएको छ । दिनदिनै थपिएको संक्रमितहरुको चापले बुटवल र नेपालगन्जका कोरोना बिषेश अस्पताल भरिभराउ भईसक्दा पनि राज्य उपचारको ब्यवस्थापनमा उदाशिन देखिएको छ ।

पछिल्लो एकसाता यता कोरोना सक्रमण तीब्र गतिमा बृद्धि हुँदा नेपालगञ्जको भेरी अस्पतालमा नयाँ विरामी भर्ना गर्नै नसक्ने अवस्थामा पुगेको छ । कोभिड–१९ का गम्भीर प्रकृतिका विरामीको चाप बढेपछि भेरी अस्पताल थप कोरोना संक्रमितलाई उपचारको लागि आइसोलेशसनमा थेग्न नसक्ने अवस्थामा पुगेको हो ।

आईतबारदेखि एक्कासी लक्षणसहितका कोभिड–१९का विरामीको चाप बढेपछि अस्पतालमा रहेको जनशक्ति तथा अक्सिजन सुबिधा सहितको बेडको अभावमा थप बिरामी भर्ना गर्न असमर्थ हुनु परेको अस्पतालले जनाएको छ ।

अस्पतालमा बुधबारसम्म ८० जना विरामी भर्ना भएको र ती मध्ये ८० प्रतिशत विरामी गम्भीर प्रकृतिको भएको अस्पताल विकास समितिका अध्यक्ष प्रमोद धितालले बताए ।

अस्पतालमा आएका बिरामी भर्ना लिन सक्ने अवस्था नहुँदा स्वास्थ्य कर्मचारीको असुरक्षा बढेको अध्यक्ष धितालले बताए ।

कोरोनाले घरघरमा जोखिम बढाईसकेपछि भने नेपालगन्ज उपमहानगरपालिकाले आफ्नो पुरानो आइसोलेसन केन्द्रलाई सक्रिय बनाउने भएको छ । १०० जना संक्रमितलाई राख्न सकिने गरि उपमहानगरको आइसोलेसन शुक्रबारबाट संचालनमा आउने उपमहानगरकी उप प्रमुख उमा थापाले बताईन् ।

उता बुटवल स्थित लुम्बिनी प्रादेशिक अस्पतालले संचालन गरेको कोरोना बिषेश अस्पताल पनि गम्भिर प्रकृतिका संक्रमितले भरिभराउ भएको छ । १५ वटा आईसीयू सहित संचालनमा रहेको बिशेष अस्पतालमा १३ वटा बेड संचालनमा रहेको अस्पतालका प्रवक्ता डा. विष्णु गौतमले बताए । संचालनमा रहेका सबै बेड प्याक छन्, नयाँ बिरामी आए भर्ना लिन सक्ने अवस्था छैन । प्रवक्ता डा. गौतमले भने ।

अस्पताल परिषरमा रहेको फिभर क्लिनीक पनि भरिभराउ रहेको छ, गम्भिर प्रकृतिका संक्रमितलाई बिशेष अस्पताल धागो कारखाना पठाउने गरिएपनि उता सबै बेड भरिएपछि फिभर क्लिनीकमै संक्रमित भरिएका छन् ।

संक्रमितको चाप बढेसंगै अस्पतालले कोरोनाको फाृकलपर्शन तोकेको अस्पतालका डाक्टर सुदर्शन थापाले फोन उठाउन छाडेका छन् । अस्पतालको उपचारको अवस्थाका बिषयमा जानकार।ी लिन पटक पटक फोन गर्दा पनि डा थापाको मोबाईल उठेन ।

कोरोनाको दोस्रो लहरले जनस्तरमा भयावहरुप लिईसकेको छ । अस्पतालमा उपचार नपाएपछि घरमै बसेर उपचार गर्नूको बिकल्प नहुँदा फैलन सक्ने जोखिमले समूदायमा कस्तो असर पर्ला ? बेलैमा उपचारको व्यवस्था गर्न नसके पहिलो चरणको ईटालीका दृष्यहरु नेपालमा पनि नदेखिएलान् भन्न सकिन्न ।

प्रकाशित मिति : २ बैशाख २०७८, बिहिबार  ३ : ०८ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका