युनिभर्सल मेडिकल कलेज भैरहवाले कारोना संक्रमितको नयाँ भर्ना नलिने, दिईरहेको सेवा पनि कटौटी गरिने

बुटवल । अक्सिजन उपलब्धताको सुनिश्चितता नभएपछि धमाधम निजी समुदायले सञ्चालन गरेका मेडिकल कलेज र अस्पतालहरुले कोरोना संक्रमितको भर्ना बन्द गर्न थालेका छन् । काठमाडौंका ४ अस्पतालले अक्सिजन नभएको भन्दै कोरोना संक्रमितको उपचारबाट पछि हटेको भोलिपल्ट भैरहवा स्थित युनिभर्सल मेडिकल कलेजले २७ गतेबाट नयाँ कोरोना संक्रमितको भर्ना नलिने सुचना जारी गरेको छ ।

कलेजले आज बिज्ञप्ति प्रकाशित गर्दै अक्सिजनको नियमित आपुर्ति हुन नसक्दा सम्म सिमित शैयाहरुमात्र सञ्चालनमा ल्याउने बताएको छ । दैनिक ७०० थान अक्सिजन सिलिण्डर आवश्यक रहेको कलेजमा अक्सिजनको नियमित आपुर्ति बन्द भएपछि नयाँ भर्ना र प्रदान गरिएको सेवाबाट पनि शैया घटाउने विज्ञप्तिमा उल्लेख छ ।

मेडिकल कलेजमा हाल २०० जना कोरोना संक्रमणका बिरामीहरुको उपचार चलिरहेको जनाउँदै नियमित अक्सिजनको आपुर्ति नहुँदा सम्म सिमित शैयाबाटठ मात्र सेवा दिने कलेजको विज्ञप्तिमा भनिएको छ । कलेजमा हाल उपलब्ध भईरकेको अक्सिजनको परिमाण भने विज्ञप्तिमा उल्लेख गरिएको छैन ।