नेपालगन्ज । २०४६ सालको जन आन्दोलन पछिको पहिलो प्रतिनिधिसभा सदस्य एवं कांग्रेसका पुराना नेता कृष्णसिंह परियारको निधन भएको छ । २०४८ सालमा बाँके क्षेत्र नम्बर ३ बाट निर्वाचित पूर्व सांसद परियारको उनको आफ्नै निवास नेपालगन्जमा निधन भएको हो ।
मृगौला, मधुमेह र उच्च रक्तचापको समस्यामा रहेका परियारको ७५ वर्षको उमेरमा आज बिहान मृत्यु भएको परियारका छोरा गौतम परियारले जानकारी दिए । जन आन्दोलन पछिको पहिलो संसदीय निर्वाचनमा निर्वाचित सांसद सहित उनी तत्कालिन राज्य ब्यवस्था समितिका सभापति समेत भएका थिए ।
कांग्रेसका पुराना नेता परियार कांग्रेसको सिद्धान्तमा निष्ठावान नेताकारुपमा पहिचार बनाएको नेता मध्यमा पर्छन् ।
परियारका २ श्रीमती, ३ छोरी र ४ छोरा मध्य जेठी श्रीमतीको २ महिना पहिले कोरोना संक्रमणबाट मृत्यु भएको थियो । उनी कान्छी श्रीमतीसँग नेपालगन्ज १२ कोरियनपुरमा बस्दै आएका थिए ।
प्रतिक्रिया