काठमाडौं । उपत्यका प्रशासनले निजी सवारी साधनमा जोर बिजोर र व्यवसाय सञ्चालन गर्न दिने गरी एकसाताका लागि निषेधाज्ञा थपेको छ । थप गरिएको निषेधाज्ञामा पसल पनि खोल्न पाईने र निजी सवारी पनि चलाउन पाईने व्यवस्था मिलाईएको जिल्ला प्रशासन कार्यालय काठमाडौले जनाएको छ । प्रशासनका अनुसार निजी सवारी चलाउन जोरबिजोर र पसल खोल्न हप्ताभरीका बारहरु निर्धारण गरिएको छ ।
नयाँ जारी भएको निषेधाज्ञामा आइतबार, मंगलबार र बिहीबार सुनचाँदी, भाँडा, विद्युतीय, घरायसी सामानका पसल, अटोमोबाइल र त्यसका पार्टपूर्जा पाइने पसल खोल्न पाईने छ भने सोमबार, बुधबार र शुक्रबार सपिङ मल, खेलकुद सामग्री पसल, कपडा, जुत्ता पसल, फेन्सी, कस्मेटिक, गिफ्ट र टेलरिङ खुल्नेछन् ।
उपत्यकाका तीवटा जिल्ला प्रशासन कार्यालयका प्रमुख जिल्ला अधिकारीको बैठकले बारका आधारमा खुल्ने पसल बिहान ११ देखि ४ बजेसम्म खोल्न दिने निर्णय गरेको हो । निर्णय अनुसार खाद्यान्न, फलफूल र तरकारी पसल चाहिं हरेक दिन ११ बजेसम्म खुल्नेछ ।
[pdf-embedder url=”http://3.0.214.97/wp-content/uploads/2021/06/Lockdown-extended6-20.pdf”]
प्रतिक्रिया