काठमाडौं । नेकपा एमालेको विवाद समाधानका लागि संस्थापन पक्ष र माधवकुमार नेपाल पक्षका सांसदहरुले विघटित कार्यदलका सदस्यहरुसँग छलफल गर्दैछन् ।
पार्टीभित्रको विवाद समाधान गर्न १० बुँदे सहमति गरेका कार्यदलका सदस्यहरुसँग दुवै पक्षभित्र रहेका एकताको पक्षधर सांसदहरुले छलफल गर्न लागेका हुन् ।
पछिल्लो केही दिन यता सक्रिय बनेका दुवैतिका केही सांसदहरुले यो पहल गरेका हुन् । पार्टीलाई विभाजन हुनबाट रोक्न र एकता कायम गर्न सांसदहरुले पार्टी एकता दबाब समूह नै बनाएका छन् ।
सिंहदरबारमा दिउँसो हुने छलफलमा विघटित कार्यदलका १० जना नेताहरुलाई राखेर १० बुँदे सहमति कार्यान्वयनको विषयमा छलफल गर्न लागेको सांसद यज्ञराज सुनुवारले बताएका छन् । सुनुवारले एकता जोगाउन जोगाउन आफुहरुले अभियान जारी राख्ने बताए ।
यो अभियानमा अध्यक्ष ओलीको तर्फबाट ओली पक्षका कृष्णप्रसाद दाहाल, सूर्य पाठक, पदम गिरी, शान्ति पाख्रिन, यज्ञ बोगटी रहेका छन् । यस्तै माधव नेपाल पक्षबाट झपट रावल, दीपकप्रकाश भट्ट, यज्ञराज सुनुवार, जयकुमार राई लगायका सांसद रहेका छन् ।
प्रतिक्रिया