काठमाडौं । विघटित एमाले कार्यदलको आईतबार डाकिएको एमाले बैठक स्थगित गर्ने आग्रहलाई एमाले अध्यक्ष केपी ओलीले अस्विकार गरेका छन् । अध्यक्ष ओलीको अध्यक्षतामा बसेको स्थायी कमिटी बैठकले यसअघिनै विघटन गरेको कार्यदलका सदस्यहरु आईतबार बिहानको स्थायी कमिटीको बैठक स्थगित गर्न अनुरोध गर्न ओली निवास बालकोट पुगेका थिए ।
कार्यदलका ८ जना नेताहरु ओली निवास पुगेका थिए । उनीहरुलाई अध्यक्ष ओलीले छलफलका लागि भनेर बैठक रोक्न नसकिने भन्दै सहमति निकालेर आउन भनेको ओली भेट्न पुगेका एम नेताले बताए । ओलीले विघटित कार्यदलका सदस्यहरुलाई वरिष्ठ नेता माधव नेपाललाई मनाएर आउन भनेको ती नेताले बताए ।
स्थायी कमिटीले विघटन गरेपनि शनिबार बिहानै देखि कार्यदलका सदस्यहरुको अनौपचारिक बैठक भएको थियो । उनीहरुले पार्टीलाई एकतावद्ध बनाउन सम्पूर्ण ध्यान केन्द्रित गर्ने प्रतिवद्धता व्यक्त गरेका नेताहरू साँझ ओलीसँग छलफल गर्न बालकोट पुगेका थिए ।
सिंहदरबारस्थित एमाले संसदीय दलको कार्यालयमा बसेको बैठकले पार्टी एकताका लागि गठित कार्यदलले जुटाएको १० बुँदे सहमति कार्यान्वयन गर्दै अघि बढने निर्णय गरेको थियो । ओलीलाई भेट्न विघटित कार्यदलका विष्णु रिमाल र रघुजी पन्त भने गएका थिएनन् ।
प्रतिक्रिया