काठमाडौं । माओवादी पार्टी परित्याग गरी एमालेको केन्द्रीय नेतृत्वमा रहेका चार पूर्वमाओवादी नेताहरुले सर्वोच्चमा दायर गरेको रिट हेर्न नभ्याइने सूची परेको छ ।
चार पूर्वमाओवादी नेताहरुले आफ्नो सांसद पद कायम गरिपाउँ भनेर दायर गरेको रिट न्यायाधीस दीपककुमार कार्कीको इजलासमा परेको थियो ।
गत फागुनमा माओवादी पार्टी परित्याग गरी एमालेको स्थायी कमिटी सदस्य बनेका टोपबहादुर रायमाझी, लेखराज भट्ट र केन्द्रीय सदस्यहरु प्रभु साह एवं गौरी शंकर चौधरीले सांसद पद पुनर्वहालीको माग गर्दै बुधबार सर्वोच्चमा रिट दायर गरेका थिए ।
उनीहरुले माओवादी केन्द्रले आफुहरुलाई गैरकानूनी ढंगले पार्टीबाट निस्काशन गरेको र सोही आधारमा सभामुखले सांसद पद खारेज गरेको आरोप लगाउँदै माओवादी केन्द्रका अध्यक्ष प्रचण्ड, संसद सचिवालय, निर्वाचन आयोगलाई विपक्षी बनाएका थिए ।
माओवादीले २०७७ चैत २४ गते संघीय संसद्का महासचिवलाई पत्राचार गरेर चार सांसदले दल त्याग गरेको जानकारी दिएका थिए । त्यसपछि संसद बैठकमा सभामुखले उनीहरूको पद रिक्त भएको जानकारी गराएका थिए ।
प्रतिक्रिया