काठमाडौं । अविरल वर्षापछिको पहिरोका कारण त्रिभुवन राजपथको नौविसे-नागढुंगा सडक खण्ड अवरुद्ध भएको छ ।
नागढुङ्गा सिस्ने खोला सुरुङ्ग मार्ग निर्माणका क्रममा सडक फराकिलो पार्न डाँडा काट्दा खसेको पहिरोले सडक अबरुद्ध भएको हो ।
सडक अवरुद्ध भएका कारण राजधानी प्रवेशका लागि विभिन्न जिल्लाबाट आएका सवारी साधनको लामो लाइन बनेको छ ।
सडक खुलाउने प्रयास भई रहेको भएपनि पहिरो ठुलो भएकाले बाटो खुलाउन नसकिएको ईलाका प्रहरी कार्यालय खानीखोलाका प्रमुख रुपा थापाले जानकारी दिएकी छन ।
उनका अनुसार छिटोभन्दा छिटो बाटो खुलाउने प्रयास जारी रहेको छ ।
प्रतिक्रिया