काठमाडौं । अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सम्झौताको विरोधमा प्रदर्शन भएको छ ।
नेत्र विक्रम चन्द विप्लवको नेतृत्वमा रहेको नेपाल कम्युनिष्ट पार्टीले काठमाडौंमा वृहत प्रदर्शन गरेको हो । एमसीसी विरुद्ध यो नै अहिलेसम्मको ठूलो प्रदर्शन हो ।
आज काठमाडौंमा एमसीसीको विरोधमा वृहत प्रदर्शन भएको छ । यो नै अहिलेसम्मको सबैभन्दा ठूलो प्रदर्शन हो ।
पार्टी महासचिव चन्द, प्रवक्ता खड्गबहादुर विश्वकर्मा, हेमन्तप्रकाश वली लगायतका नेताहरुको नेतृत्वमा माइतीघर मण्डलाबाट विरोध प्रदर्शन सुरु गरिएको थियो ।
एमसीसीको विरोधमा विभिन्न राजनीतिक दल र समुहहरुले प्रदर्शन गर्दैआएका छन् ।
एमसीसी उपाध्यक्ष फतिमा सुमारले एमसीसी पास गर्न नेपाल सरकार र राजनीतिक दलका नेताहरुलाई आग्रह गर्दै हिजो मात्र चार दिने नेपाल भ्रमण सकेर फर्किएकी छिन् ।
५०० मिलियन अमेरिकी डलरको यो अनुदान सम्झौतामा नेपालले सन् २०१७ मा हस्ताक्षर गरेको थियो । तर सुरुमा सम्झौता ससदबाट अनुमोदन गर्ने विषय नभएपनि केपी ओली नेतृत्वको सरकारले संसदबाट अनुमोदन गर्ने सहमति गरेको थियो ।
एमसीसी सम्झौता अनुमोदन गर्ने या नगर्ने विषयमा नेपालका ठूला राजनीतिक दलहरु विभाजित रहेका छन् ।
प्रतिक्रिया