नेपाल बार एशोसिएसन परिसरमा अधिवक्ताबीच हानाहान

काठमाडौं । सर्वोच्च परिसरमा वकिलहरुबीच कुटाकुट भएको छ । प्रधानन्यायाधीश चोलेन्द्र शमशेर जबरा पक्ष र विपक्षाका वकिलबीच आज सर्वोच्च परिषरमै हानाहान भएको हो ।

नेपाल बार एशोसिएसनको बैठक बसिरहेका बेला शुक्रबार दिउँसो अधिवक्ताद्वय विराट न्यौपाने र भूमिनन्द चुडालबीच हानाहान भएको हो । अधिवक्ता न्यौपानेले चुडाललाई हातपात गरेपछि विवाद सुरु भएको थियो ।

प्रधानन्यायाशीश जबराको पक्षका वकिल चुडालले न्यायालय बन्धक बनाउन हुँदैन । सर्वसाधारणले दुःख पाए । इजलास सूचारु हुनुपर्छ भनेपछि न्यौपानेले चुडालमाथि आक्रमण गरेका थिए ।

यसअधि देखिनै न्यायाधीशहरुले गरेको बेन्च बहिष्कारको विरुद्धमा चुडालले मिडायमा बोल्दै आएका थिए । यहि विषयमा कुरा झिक्दै भएको विवादमा आज न्यौपाने र चुडालबीच हानाहान भएको हो । न्यौपाने प्रधानन्यायाधिशले राजिनामा दिनुपर्छ भन्ने पक्षमा वकाल गर्दै आएका छन् ।