बुटवल । रुपन्देहीको देवदह उद्योग बाणिज्य संघले देवदह क्षेत्रमा कोरोना संक्रमण विरोद्धका सचेतनामुलक अभियान तथा स्टिकर वितरण कार्यक्रम गरेको छ ।
उद्योग तथा व्यापार ब्यवसायमा हुने जमघटका कारण कारोना संक्रमण दर बढ्न सक्ने बारे सचेत बनाउन देवदह क्षेत्रका उद्योगी ब्यवसायिक संस्थाहरुमा कोरोना विरुद्धको सचेतनामुलक स्टिकर वितरण गरेको हो ।
देवदह उद्योग बाणिज्य संघका अध्यक्ष हरिप्रसाद भण्डारी, वरिष्ठ उपाध्यक्ष मिना श्रेष्ठ, उद्योग उपाध्यक्ष रमेशचन्द्र गैरे, बाणिज्य उपाध्यक्ष कृष्ण शाही लगायतको टोलिले देवदहका प्रत्यक टोलमा गएर कोरोना विरुद्धका स्टिकर तथा सचेतनामुलक सन्देश दिएको महासचिव विष्णु न्यौपानेले जानकारी दिए ।
ब्यवसायिमा कोरोना संक्रमण नहोस् भनेर विभिन्न खाले सचेतनामुलक सन्देश प्रवाहसँगै देवदह क्षेत्रमा झण्डै दुई हजार स्टिकर वितरण तथा टाँस गरिएको न्यौपानेले बताए । संघका पदाधिकारी तथा सदस्यहरु सम्मिलित टोलीले देवदहका खैरेनी, सितलनगर, भलुही, भवानीपुर, केरवानी, टटेरा, चरङ्गे लगायतका स्थानमा कोरोना विरुद्धका सचेतनामुलक सन्देशसँगै स्टिकर वितरण र टाँस गरिएको संघले जनाएको छ ।
कोरोना महामारिको चरण अझै पनि समाप्त नभएको उल्लेख गर्दै संघका अध्यक्ष हरिप्रसाद भण्डारीले अझैपनि संक्रमण हुनसक्ने बारे सचेत बनाउदै देवदहका टोलटोलमा सचेतनामुलक कार्यक्रम र स्टिकर वितरण कार्यक्रम गरिएको बताए । वितरण गरिएको स्टिकरमा अनिवार्य मास्कको प्रयोग गरौ, समाजिक दुरी कायम गरौ र स्वास्थ्य मापदण्डको पालना गरौ लगायतका सन्देशहरु राखिएको संघले जनाएको छ ।
प्रतिक्रिया