पाकिस्तानको राष्ट्रिय दिवसको अवसरमा दूतावासमा झण्डोत्तोलन

काठमाडौं । पाकिस्तान दिवसको अवसरमा नेपालस्थित पाकिस्तानी दूतावासले राष्ट्रिय झण्डाको झण्डोत्तोलन गरको छ ।

नेपालका लागि पाकिस्तानी राजदूत सैयद हैदर शाहले एक कार्यक्रमका बीच महाराजगन्ज चक्रपथस्थित दूतावास परिसरमा पाकिस्तानको राष्ट्रिय झण्डा फहराएका छन् । त्यसअवसरमा पाकिस्तानका राष्ट्रपति, प्रधानमन्त्री र विदेशमन्त्रीको सन्देश पढेर सुनाइएको थियो ।

पाकिस्तानले हरेक वर्ष २३ मार्च लाई पाकिस्तान दिवसको रुपमा मनाउने गरेको छ । सन् १९४० मा लाहोरमा लाहोर घोषणापत्र जारी भएको दिनलाई पाकिस्तानले राष्ट्रिय दिवसको रुपमा स्मरण गर्दै आएको छ । काइदे आजाम मोहम्मद अलि जिन्हाको नेतृत्वमा जारी भएको सो घोषणापत्रले पाकिस्तान देश जन्माउने संकल्प गरेको थियो ।

कार्यक्रममा पाकिस्तानी राजदूत शाहले आफ्नो र आफ्ना भावी पुस्ताका लागि छुट्टै गृहभूमि निर्माण गर्ने संकल्प र संकल्पको स्मरण गराउँदै पुर्खाले परिकल्पना गरेको पाकिस्तानलाई मातृभूमि बनाउने प्रतिवद्धतालाई पुनपुृष्टि गर्ने आवश्यकतालाई जोड दिएका थिए ।