संघीय संसदको महासचिवमा पदम पाण्डे सिफारिस

काठमाडौं । संघीय संसदका महासचिवमा सचिव पदमप्रसाद पाण्डे सिफारिस भएका छन् । महासचिव भरतराज गौतमले आइतबार राजीनामा दिएपछि उनको स्थानमा पदम प्रसाद पाण्डे सिफारिस भएका हुन् । सभामुख देवराज घिमिरे र राष्ट्रियसभा अध्यक्ष गणेशप्रसाद तिमिल्सिनाले पाण्डेलाई सिफारिस गरेका हुन् । राष्ट्रपतिले सभामुख र राष्ट्रियसभाका अध्यक्षको सिफारिसमा संसदको महासचिव नियुक्त गर्ने संवैधानिक व्यवस्था छ ।