काठमाडौ । सरकारले मुलुकका प्रदेश १, गण्डकी र प्रदेश ५ का अस्पतालमा शुक्रबारदेखि कोरोना भाइरसको परीक्षण सुरु गर्ने भएको छ ।
प्रदेश १ को धरानस्थित वीपी कोइराला स्वास्थ्य विज्ञान प्रतिष्ठान, गण्डकी प्रदेशको पोखरा र प्रदेश ५ को बाँकेस्थित नेपालगञ्ज मेडिकल कलेज–शिक्षण अस्पतालमा कोरोना भाइरस (कोभिड–१९) परीक्षणको सुरुवात गर्ने स्वास्थ्य तथा जनसंख्या मन्त्रालयले जानकारी दिएको छ ।
त्यसका लागि प्रविधिक टोली समेत पठाइएको स्वास्थ्य सेवा विभाग इपिडिमियोलोजी तथा रोग नियन्त्रण महाशाखाका निर्देशक डा। वासुदेव पाण्डेले जानकारी दिनुभयो । देशका सातै प्रदेशमा कोरोना जाँच गर्ने व्यवस्था मिलाउने योजना बनाइए पनि हाल भने तीन स्थानमा मात्र व्यवस्था गरिएको निर्देशक पाण्डेले बताउनुभयो ।
कोरोनाभाइरस संक्रमण परीक्षण जोखिमपूर्ण हुने भएकोले स्थल चयन गर्न समेत कठिनाई हुने निर्देशक पाण्डेको भनाइ छ ।
सबै स्थानमा परीक्षण स्थाल तोक्नभन्दा प्रभावकारी ढंगले काम गर्न जरुरी हुने उहा बताउँनुहुन्छ ।
तोकिएका तीन स्थानमा आवश्यक जनशक्ति पठाउने पनि उहाले बताउनुभयो । पहिलो चराणमा तीन स्थानमै बीसदेखि सय नमुना परीक्षण गर्न सक्ने उहाले जानकारी दिनुभयो ।
प्रतिक्रिया