बुटवल । रुपन्देही मिष्ठान तथा क्याटरिङ ब्यवसायी संघले नया वर्ष २०७७ सालको क्यालेन्डर बिमोचन गरेको छ ।
सुरक्षा र सामाजिक दुरी अप्नाएर शुक्रबार एक कार्यक्रमका बिच नया वर्ष २०७७ को क्यालेन्डर बिमोचन गरिएको हो ।
कार्यक्रमको प्रमुख अतिथि संस्थापक अध्यक्ष घनश्याम पाण्डे, पुर्वअध्यक्ष टेक नारायण पराजुली, कार्यक्रम संयोजक पवन पोखरेलले संयुक्त रुपमा क्यालेन्डर सावर्जनिक गर्नुभयो ।
कार्यक्रममा संघका अध्यक्ष लक्ष्मण पोखरेलले विगतका वर्ष झै नियमित कार्यक्रम समयमा गर्न नसकेको भन्दै उहाले लकडाउनको अवधिमा पनि विशेष सावधानी अप्नाएर कार्यक्रम गरिएको बताउनुभयो ।
घरेलु तथा साना उद्योग कायार्लयमा दर्ता भएर संचालन हुदा सरकारबाट सहयोग पाउन नसकेको उहाले दुखेसो व्यक्त गर्नुभयो । महासंघको केन्द्रिय आकस्मिक बैठकले समेत देशको वर्तमान परिस्थितीमा सबै उद्योगी ब्यवसायीहरुको हितलाई मध्येनजर गरि योजना ल्याउन सरकारले सुझाव दिएको उहाले बताउनुभयो ।
कार्यक्रममा कोषाध्यक्ष बलराम पौडेलले २४ जना ब्यवसायीहरुबाट नै विज्ञापन सहयोग भएर क्यालेण्डर प्रकाशन गरिएको बताउनुभयो ।
संघका उपाध्यक्ष कमल पोखरेल, सचिव कृष्ण सापकोटा, प्रेस सल्लाहकार कपिल ज्ञवालीले शुभकामना दिनुभएको थियो ।
प्रतिक्रिया