बुटवल । प्रदेश न ५ सरकारले निर्माण गरेको कोरोना भाइरस नियन्त्रण कोषमा लघुवित्त महासंघ नेपालले आर्थिक सहयोग प्रदान गरेको छ ।
महासंघका अध्यक्ष जगत पोखरेलको नेतृत्वको टोलीले मुख्यमन्त्री तथा मन्त्रीपरिषदको कार्यालयमा एक कार्यक्रमका बिच प्रदेश ५ का मुख्यमन्त्री शंकर पोखरेललाइ चौतारी लघुबित्त बित्तिय संस्थाको तर्फबाट ४ लाख ५१ हजार नगद सहयोग गरेको हो ।
चौतारी लघुबित्त बित्तिय संस्थाका अध्यक्ष समेत रहनुभएका जगत पोखरेलले मुख्यमन्त्री पोखरेललाइ चेक हस्तान्तरण गर्नुभएको हो ।
सोहि अवसरमा सुपर लघुबित्त बित्तिय संस्था दाङबाट १५ हजार र आंधिखोला लघुबित्तका संचालकले १ लाखको चेक हस्तान्तरण गर्नुभएको थियो ।
सामाजिक उत्तर दायित्वलाइ ध्यानमा दिदै कोरोना महामारीका बिरुद्ध लडनका लागि सहयोग पुगोस भनेर चौतारीले यसअघि स्थानीय सरकारको राहत कोषहरुमा ४ लाख ८३ हजार सहयोग गरिसकेको अध्यक्ष पोखरेलले बताउनुभयो ।
प्रतिक्रिया