१५ चैत्र २०८०, बिहिबार | March 28, 2024

लुम्बिनी आयुर्वेदिक चिकित्सालयद्रारा क्वारेन्टाईनमा रहेकाहरुलाई निशुल्क औषधि वितरण



बुटवल । बुटवलको लुम्बिनी आयुर्वेदिक चिकित्सालयले क्वारेन्टाईनमा रहेकाहरुलाई निशुल्क औषधि वितरण एवं योग साधना गराउने कार्य तिब्र पारेको छ ।

सामाजिक विकास मन्त्रालय प्रदेश नंं ५ को निर्देशिका अनुसार चिकित्सालयले रुपन्देहीका १६ वटै स्थानिय तहमा निशुल्क औषधि वितरण र योगा साधना गराउने कार्य तिब्र पारेको हो । चिकित्सालयका बरिष्ठ कविराज निरिक्षक गणेश सापकोटाको संयोजकत्वमा अहिले औषधि वितरण र योगा साधना भइहेको छ ।

क्वारेन्टाईनमा रहेका नागरिकहरुलाई रोग प्रतिरोधात्मक शक्ति बृद्धि गर्ने र स्वच्छ मानसिक स्वास्थ्यको विकासका लागि चिकित्सालयले योगा र ध्यानको कार्यक्रम गरिरहेको कार्यक्रम संयोजक गणेश सापकोटाले जानकारी दिनुभयो । मायादेवी, सिद्धार्थनगर नगरपालिका, कोटईमाई, देवदह नगरपालिकामा निशुल्क औषधि र योगा साधना गरेको चिकित्सालयले शुक्रबार तिलोत्तमा नगरपालिकाले निर्माण गरेको दुर्गादत्त स्थित क्वारेन्टाईनमा पनि निशुल्क औषधि र योगा साधना गराएको छ ।

तिलोत्तमा नगरपालिकाका नगरप्रमुख बासुदेव घिमिरे, तिलोत्तमा आयुर्वेदिक औषधालयका कार्यालय प्रमुख प्रकाश ज्ञवाली, क्वारेन्टाईन ईन्चार्ज रामेश्वर ढकालको समन्वयमा क्वारेन्टाईनमा रहेकाहरुलाई योगा साधना र औषधि वितरण गरिएको थियो । क्वारेन्टाईनमा रहेकाहरुलाई चिकित्सालयका योग प्रशिक्षक एवं बैध विष्णुहरी आचार्यले प्रशिक्षण दिनुभएको थियो । हास्यव्यग, नृत्य, गायन, योगा क्वारेन्टाईनमा रहेका नागरिक संगै चिकित्सक, सुरक्षाकर्मी र सहयोगहरु सवैलाई गराइएको थियो । चिकित्सालयले गुडुची चुड, जेष्ठ नागरिकहरुलाई अस्वगन्धा चुड र सुत्केरी महिलालाई सतावरी ग्रेनुयल्स वितरण गरेको थियो । चिकित्सालयले बाँकी स्थानिय तहमा पनि निशुल्क औषधि र योगा साधना गराउने बताइएको छ ।

प्रकाशित मिति : २७ बैशाख २०७७, शनिबार  ३ : १९ बजे

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई

बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट

राष्ट्रियसभाकी उपाध्यक्ष उर्मिला अर्यालको राजीनामा

काठमाडौं । राष्ट्रियसभाकी उपाध्यक्ष उर्मिला अर्यालले पदबाट राजीनामा दिएकी छन्