काठमाडौं । लकडाउन उल्लंघन गरेको भन्दै नेपाली सेनाका पूर्वजर्नेल डा। प्रेमसिंह बस्न्यात र सशस्त्र प्रहरी बलका पूर्वएआइजी ठाकुरमोहन श्रेष्ठलाई प्रहरीले पक्राउ गरेर छाडेको छ ।
कोरोना भाइरस नियन्त्रणका लागि सरकारले घोषणा गरेको लकडाउनको उल्लंघन हुने गरि सत्तारुढ दल नेकपाको केन्द्रीय कार्यालय धुम्बाराही अगाडि पत्रकार सम्मेलन गर्दै गर्दा उनीहरुलाई प्रहरीले पक्राउ गरेको थियो । पक्राउ गरेको केहि बेरमा उनीहरुलाई प्रहरीले रिहा गरेको थियो ।
पुर्वजर्नेल र पुर्वएआईजी सहितको समुहले भारतले लिपुलेकको नेपाली भूमिमा बाटो बनाएको विरोधमा नेकपाको पार्टी कार्यालय अगाडी पत्रकार सम्मेलन गर्ने प्रयास गरेका थिए ।
महानगरीय प्रहरी परिसर काठमाडौंका प्रमुख एसएसपी श्यामलाल ज्ञवालीले लकडाउन उल्लंघन गरेकाले पक्राउ गरिएको बताउनु भयो । नियामानुसार केही समय नियन्त्रणमा लिएर छाडिएको उहांले जानकारी दिनुभयो ।
प्रतिक्रिया