थपिए २४ संक्रमित, नेपालमा कोरोना संक्रमितको संख्या २४३ पुग्यो

काठमाडौं । नेपालमा बुधबार पनि एकै दिन २४ जना कोरोना संक्रमित थपिएका छन्। यससँगै नेपालमा कोरोना संकमण पुष्टि हुनेको संख्या २४३ पुगको छ ।राष्ट्रिय जनस्वास्थ्य प्रयोगशाला काठमाडौं तथा प्रादेशीक प्रयोगशाला रुपन्देहीमा गरिएको परीक्षणमा बुधबार थप २४ मा कोरोना पुष्टि भएको हो ।

स्वास्थ्य तथा जनसंख्या मन्त्रालयले जारी गरेको पछिल्लो बिज्ञप्ति अनुसार रुपन्देहीमा ९ पुरुष र ३ महिलामा संक्रमण पुष्टी भएको छ भने कपिलवस्तुमा ८ पुरुषमा संक्रमण पुष्टी भएको छ । यसैगरि पर्सामा २ पुरुष र १ महिला तथा नवलपरासीमा १ पुरुषमा संक्रमण पुष्टी भएको छ । आज पुष्टी भएको संक्रमितहरुमा २२ वर्ष देखि ७४ वर्ष सम्मका रहेको पाईएको छ ।

संक्रमितहरुको स्वास्थ्य सामान्य रहेको र उनीहरु चिकित्सकको निगरानीमा रहेको मन्त्रालयको बिज्ञप्तिमा उल्लेख गरिएको छ ।