बुटवल । पुर्व पश्चिम राजमार्गको बांके खण्डको ठुरीया जङ्लमा सवारी दुर्घटना हुंदा ११ जनाको मृत्यु भएको छ ।
जमुनाहा नाका हुंदै भारतबाट मजदुरी गरेर नेपाल फर्केका उनीहरु फोर्स गाडिमा सल्यान जानेक्रममा दुर्घटनामा परेका हुन् ।
बाँके जिल्लाको राप्ती सोनारी गाउँपालिका–२ ठुरिया जंगलमा ना ५ ख ५९९५ नम्बरको गाडी दुर्घटना हुँदा ११ जनाको मृत्यु भएको हो । गाडीमा सवार२२ जना गम्भिर घाइते भएका छन् ।
बाँकेका प्रमुख जिल्ला अधिकारी रामबहादुर कुरुम्वाङले भारतबाट नेपाल प्रवेश गरेकाहरुलाई लिएर नेपालगञ्जबाट सल्यान जाँदै गरेको फोर्स गाडी राति करिब १२ बजेतिर दुर्घटनामा परेको बताउनुभयो । २२ जना घाईते मध्य चार-पाँच जनाको अवस्था गम्भीर रहेको प्रजिअ कुरुम्वाङले बताउनुभयो ।
नेपालगञ्जबाट सल्यान बस रोकिराखेको बा ४ ख ९०६४ नम्बरको ट्रकमा ठोक्किएर दुर्घटना भएको हो ।
दुर्घटनामा घाइते भएकाहरुलाई उपचार गर्न भेरी अस्पताल नेपालगञ्ज पु¥याईको छ । मृतकका शवहरु पनि भेरी अस्पतालमा राखिएको छ । मृतक सनाखत नभएको इलाका प्रहरी कार्यालय कोहलपुरले जनाएको छ ।
प्रतिक्रिया