खजुरा । भारतबाट नेपाल फर्केर क्वारेन्टाइनमा जुन अनुपातमा राखिएको छ त्यहि अनुपातमा बाँकेको खजुराका विभिन्न क्वारेन्टिनबाट क्वारेन्टाइन अवधि पुरा गरेर नागरिकहरु घरघर पठाउने गरिएको छ । क्वारेन्टाईन अवधि छोट्याउन खुजुरा गांउपालिकाका क्वारेन्टाइनमा रहेकाहरुको पिसिआर जाँच तीव्र पारिएको छ । हालसम्म खजुरामा ३ सय ३८ जनाको पिसिआर गरिएको गांउपालिकाले जनाएको छ ।
खजुरा गाउँपालिका वार्ड न. ४ का वार्ड अध्यक्ष तिलक बीर सुनारले स्वाव संकलन गरि पिसिआर जाँच गर्ने कर्यमा तीव्रता दिएको बताउनु भयो । खजुरामा हालसम्म ३ जनाको रिपोर्ट पोजेटिभ देखिएको छ । स्वाव परिक्षणमा १ जना स्वास्थ्यकर्मी र २ जना भारतबाट फर्केका स्थानीयमा कोरोना पुष्टी भएको थियो ।
सुनारका अनुसार खजुरामा २४ वटा क्वारेन्टाइन स्थापना गरिएकोमा २२ वटामा हाल १ हजार ७३ जना रहेका छन् । २ वटा क्वारेन्टाइन खाली छन् । २ सय १९ जना स्वास्थ्य जाँचपछि घरमा फर्किएका छन् ।
प्रतिक्रिया