१ असार २०८२, आइतबार | June 15, 2025

लकडाउन : जनतालाई सास्ती, तस्करलाई मस्ती, वीरगन्ज सीमा क्षेत्रबाट मौलाउँदै तस्करी



वीरगन्ज । सरकाले कोरोना भाइरसको स्रक्रमण फैलिन नदिने भन्दै चैत्र ११ गतेदेखि निरन्तर लकडाउन जारी राखेको छ । सबै सीमा नाका असार १६ गतेसम्मका लागि सिल गरिएका छन् । निश्चित सीमाबाट मात्र मानिसहरु प्रवेश गर्न पाउने व्यवस्था छ भने मालवाहक सवारी साधन पनि तोकिएको सीमाबाटै प्रवेश गर्छन् । तर, लकडाउन भने आम जनतालाई सास्सी तस्करहरुलाई मस्ती जस्तै भएको छ ।

देशको प्रमुख सीमा नाका वीरगन्ज आसपासबाट तस्करी मौलाएको छ । सीमा र भन्सारको सुरक्षाका लागि खटेको सशस्त्र प्रहरी लकडाउनमा व्यस्त भएको मौका छोपी तस्करहरुले आफ्नो लाइनलाई झन बढी सक्रिय बनाएका छन् ।

लकडाउनले काम गर्न नपाएपछि दुई छाप टार्न स्थानियलाई धौ धौ परिरहेको बेला तस्करहरुले सीमा क्षेत्रमा रहेका सशस्त्र प्रहरीलाई नै आफनो प्रभावमा पारेर मदिरा, कपडा तथा छोकडाको तस्करी गरेको स्रोतले दाबी गरेको छ ।

भारतको बिहारमा मदिरा विक्रि वितरणमा प्रतिबन्ध छ । विहार क्षेत्रका मदिराप्रेमी भारतीयहरुका लागि नेपालका सीमा क्षेत्र नै मदिरा सेवन गर्ने स्थान हुन् । नेपालमा समेत लकडाउन पछि खुला बिक्रि वितरण स्थगित भएपछि दुवै देशका तस्करहरुको मिलेमतोमा चर्को मूल्यमा मदिराको विक्रिवितरण भैरहेको हो ।

वीरगन्जको सिमावर्ती भारतीय शहर रक्सौलका तस्कर असलम मियाँ, लैला नाम गरेकी एक महिला, रक्सौल प्रेम टोलका राजेश पटेल, कृष्ण र रिषभ नामका तस्करहरुले सशस्त्र प्रहरीका खत्री थरका एक जना डीएसपीलाई आफ्नो प्रभावमा पारेर मदिरा, लत्ताकपडा तथा छोकडाको तस्करी गराईरहेको आरोप वीरगन्जका व्यापारीले लगाएका छन् ।

भन्सार सुरक्षामा खटिएका प्रहरी समेत लकडाउन प्रभावकारी बनाउन खटिएको मौका पारेर सशस्त्रकै अधिकारी तस्करसँग् सेटिङ मिलउनुले शान्तिसुरक्षामा समेत असर परेको भन्दै उनी विरुद्ध माथिल्लो निकायमा उजुरी समेत परेको छ ।

मध्यरातमा नेपालबाट विभिन्न ब्राण्डका मदिरा र छोकडा भारततिरै तस्करी गरिएको छ । भारतबाट भने कपडा र खाद्यान्न लगायतका सामाग्री भित्रिइरहेको छ । एकरात लाइन मिलाएको कम्तिमा ४० हजार रुपैयाँ बुझाउने गरिएको स्रोतले दाबी गरेको छ ।

प्रकाशित मिति : २१ जेष्ठ २०७७, बुधबार  ६ : ३८ बजे

लोक सेवा आयोगले आज हीरक महोत्सव मनाउँदै

काठमाडौं । ‘योग्यता, निष्पक्षता र स्वच्छता’ मूल मर्मका साथ अगाडि

लुम्बिनी प्रदेशको बजेट आज, कृषि, पूर्वाधार र रोजगारीलाई प्राथमिकता

दाङ । लुम्बिनी प्रदेश सरकारले आगामी आर्थिक वर्ष २०८२/०८३ का

पाँचथरमा बेलिब्रिज भत्किँदा घाइते भएका तीन मजदुरको मृत्यु, तीनको उपचार जारी

पाँचथर । पाँचथरको हेवा खोलामा बन्दै गरेको बेलिब्रिज खस्दा घाइते

इरानको तेल भण्डारमा इजरायलको आक्रमण पछि भीषण आगलागी

एजेन्सी । इजरायलको आक्रमणबाट इरानको तेल भण्डारमा भीषण आगो लागेको

संस्कृति जोगाउँदै समावेशी विकासमा सरकार प्रतिबद्ध : मुख्यमन्त्री आचार्य

दाङ । लुम्बिनी प्रदेशका मुख्यमन्त्री चेतनारायण आचार्यले मगर समुदायले प्रमुख