कोरोना अपडेट : मृत्यु हुनेको संख्या ४ लाख १३ हजार ११ पुग्यो

काठमाडौं । कोरोना भाइरसको संक्रमणबाट मृत्यु हुनेको संख्या ४ लाख १३ हजार ११ पुगेको छ ।

संक्रमितको संख्या बढेर ७३ लाख ११ हजार ५ सय २६ जना पुगेको छ । संक्रमितमध्ये ३५ लाख ९४ हजार ७ सय ३० जना उपचारपछि घर फर्किएका छन् भने ५३ हजार ९ सय ४० जनाको अवस्था गम्भीर छ ।

अहिलेसम्म कोरोना भाइरसका कारण अमेरिकामा सबै भन्दा धेरै मानिसको मृत्यु भएको छ । जहाँ मृत्यु हुनेको संख्या १ लाख १४ हजार १ सय ५१ जनाको पुगेको छ ।

त्यस्तै ब्राजिलमा ३८ हजार ४ सय ९७, रसियामा ६१ सय ४२, बेलायतमा ४० हजार ८ सय ८३, इटलीमा ३४ हजार ४३, जर्मनीमा ८ हजार ८ सय ३३, इरानमा ८ हजार ४ सय २५, भारतमा ७ हजार ७ सय ५०, टर्कीमा ४ हजार ७ सय २९ र फ्रान्समा २९ हजार २ सय ९६ जनाको मृत्यु भएको छ ।