१८ माघ २०७९, बुधबार | February 1, 2023

कोरोना संक्रमणको मामिलामा चीनको उहानलाई जित्यो भारतको मुम्बईले



काठमाडौं । छिमेकी भारतमा कोरोना भाइरसका संक्रमित दिन दिनै बढिरहेका छन् । एकै दिनमा १० हजार भन्दा बढी कोरोना संक्रमितहरु थपिँदै गएका छन् ।

भारतको राजधानी दिल्लीमा आगामी जुलाईसम्म ५ लाख कोरोना संक्रमित हुने र त्यसका लागि करिब ८० हजार हस्पिटल बेड चाहिने घोषणा दिल्ली सरकारले गरेको छ ।

कोरोना महामारीबाट भारमा सबैभन्दा नराम्रोसँग प्रभावित भएको शहर भने मुम्बई बनेको छ । मुम्बईमा कोरोना संक्रमित चीनको उहानमा भन्दा बढी भैसकेका छन् ।

भारतको आर्थिक राजधानी मुम्बईमा कोरोना संक्रमणको मामिला बढेर ५१ हजार नाघेको छ । कोरोनाको संक्रमण सुरु भएको चीनको उहान शहरमा भाइरको चरम अवस्था रहँदा भन्दा पनि मुम्बईको मामिला बढी हो ।

भारतमा संक्रमणको कुल संख्या २ लाख ७६ हजार बढी रहेको छ । मुम्बई शहर रहेको महाराष्ट्र राज्य सबैभन्दा धेरै कोरोना संक्रमित हुने राज्य बनेको छ, जहाँ ९१ हजार भन्दा बढी मानिस संक्रमित भएका छन् । मुम्बईमै रहेको संसारकै ठूलो सुकुम्बासी बस्तीमा कोरोना संक्रमण आगोको भुस सरह फैलिएको छ । अत्यन्त अव्यवस्थित सो बस्तीमा १० लाखबढी मानिस बढी मानिस बसोबास गर्छन् ।

आर्थिक राजधानी मुम्बई सँगै राजनीतिक राजधानी दिल्लीमा पनि संक्रमण निकै तिब्र गतिमा बढिरहेको छ ।

भारतमा लगभग तीन महिनादेखि लकडाउन जारी छ । भाइरसको प्रसार रोक्न गरिएको लकडाउन मध्यम र उच्च वर्गले पालना गरे पनि आम मजदुर किसान वर्गका लागि भने अभिषाप बनेको छ । लकडाउन भएकै दिनदेखि पचासौं हजार मजदुरहरुले रोजीरोटी गुमेपछि हजारौं किलोमिटर दूरी पैदल पार गर्दै आफ्नो घर फर्किएको हृदयविदारक दृश्य विश्वभरको हट न्यूज बनेको थियो ।

भारतमा कोरोना संक्रमित बढ्दै जाँदा त्यसको प्रभाव नेपालमा पनि परेको छ । नेपालमा अहिलेसम्म संक्रमित मध्ये ८५ प्रतिशत बढी संक्रमित भारतबाटै आएको प्रधानमन्त्री केपी शर्मा ओलीे बताउनुभएको छ ।

प्रकाशित मिति : २९ जेष्ठ २०७७, बिहिबार  ७ : ३२ बजे

कांग्रेसले बोलायो संसदीय दलको बैठक

काठमाडौं । नेपाली कांग्रेसले संसदीय दल कार्यसमितिको बैठक बोलाएको छ

बागमती प्रदेशसभाको बैठक माघ २२ गते अपराह्न बस्ने

हेटौंडा । बागमती प्रदेशसभाको दोस्रो कार्यकालको तेस्रो बैठक यही माघ

रवि लामिछानेको सांसद पद रिक्त भएको जानकारी गराए सभामुख घिमिरेले

काठमाडौं । सभामुख देवराज घिमिरेले रवि लामिछानेको सांसद पद खारेज

पोखरामा कहिले सुरु हुन्छ तार भूमिगतको काम ?

पोखरा । पोखरामा विद्युतीय तार भूमिगत गर्न भारतीय टाटा प्रोजेक्टस

सूचनाको हक प्रवर्धन गरेर मात्रै सुशासन प्रत्याभूत गराउन सकिन्छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले सूचनाको हकको प्रत्याभूतिसँगै त्यसबाट