बुटवल । रुपन्देहीका साईक्लिष्टहरुले बुटवलमा आकस्मिक रक्तदान गरेका छन ।
कोरोना भाईरस (कोडिभ १९) को संक्रमणको बेला रक्त संचार केन्द्रमा रगत अभाव देखिएपछि रुपन्देही जिल्ला साईक्लिङ संघ र साईकल सिटि बुटवलको आयोजनामा आकस्मिक रक्तदान गरिएको हो । संघका अध्यक्ष पुकार थापाले साईक्लिङमार्फत स्वस्थ्य सचेतना जगाउनुका साथै सामाजिक कार्यमा समेत आफुहरु लागेको बताए ।
दुई पटक कोरा साईक्लिङ च्यालेन्ज, रानीमहल पर्यटन यात्रा, राईड विथ प्राइड लगायत ईभेन्टका साथै टुर द लुम्बिनी यात्राका सहभागिहरुलाई समेत बुटवलबाट स्वागत सत्कार गर्दै आएको उनले बताए ।
नेपाल रेडक्रस सोसाइटी, रक्त संचार केन्द्रको प्राविधिक सहयोगमा भएको रक्तदानमा ६० युनिट रगत संकलन भएको संयोजक असोक राईले बताए ।
साईकल सिटि बुटवलका अध्यक्ष धिरेन तुलाधरले यस क्षेत्रका साईक्लिष्टहरुलाई एकतावद्घ गर्दै साईकलमार्फत पर्यटन प्रर्वद्घन अभियानमा लागेको बताए ।
विश्व पर्यावरण जोगाउने अभियानको साईकलको योगदान महत्वपुर्ण हुने विज्ञहरुको बताउछन । एउटा सवारीले खपत गर्ने १ लिटर ईन्धन बराबर साईकल चलाउदा एउटा रुखबाट प्राप्त हुने अक्सिजन उपलब्ध हुने गर्दछ ।
नेपाल रेडक्रस सोसाईटी रुपन्देहीका सभापति प्रेमलाल उदास, संघका अध्यक्ष पुकार थापा, साईकल सिटि बुटवलका अध्यक्ष धिरेन तुलाधर, स्वयंसेवी रक्तदाता समाज रुपन्देहीका अध्यक्ष कृष्ण चौहानले रक्तदाताहरुलाई प्रमाणपत्र वितरण गरेका थिए ।
प्रतिक्रिया