गण्डकी प्रदेशमा आइतबार थप १६ जनामा कोरोना संक्रमण, संक्रमितको संख्या ५ सय नाघ्यो

७ असार २०७७, आइतबार

पोखरा । तुलानात्मक रुपमा कम प्रभावित मानिएको गण्डकी प्रदेशमा कोरोना संक्रमितको संख्या ५ सय नाघेको छ ।

आइतबार विहानै १६ जना थपिएपछि संक्रमितको संख्या ५ सय ४ पुगेको हो । संक्रमितहरु २ महिला र बाँकी पुरुष रहेको प्रदेश स्वास्थ्य निर्देशानालयले जनाएको छ ।

बाग्लुङमा थप ९ जना, म्याग्दीमा ४ जना, तनहुँमा २ र पर्वतमा एक जना संक्रमित थपिएका हुन । प्रदेशमा शनिबार एकै दिन सयभन्दा बढी संक्रमित भेटिएका थिए ।

हालसम्म प्रदेशमा ४० जना संक्रमितहरु निको भएका छन् । भने एक जनाले ज्यान गुमाएको छ ।

प्रकाशित मिति : ७ असार २०७७, आइतबार ७ : १० बजे

प्रतिक्रिया