काठमाडौं । नेपाल कम्युनिष्ट पार्टी (नेकपा) को स्थायी कमिटीको बैठक सुरु भएको छ ।
प्रधानमन्त्री निवास बालुवाटारमा सुरु दोस्रो दिनको बैठकमा आज नेताहरुले बोल्ने कार्यक्रम रहेको छ ।
आज वरिष्ठ नेता झलनाथ खनाल, माधव नेपाल, प्रवक्ता नारायणकाजी श्रेष्ठ, उपाध्यक्ष वामदेव गौतम, सचिवालय सदस्यहरु ईश्वर पोखरेल, रामबहादुर थापा र महासचिव विष्णु पौडेल लगायत नेताहरुले बोल्ने कार्यक्रम रहेको बताइएको छ ।
स्थायी कमिटी सदस्यहरुले तय गरिएका एजेण्डामा आफ्नो विचार राख्नका लागि तयारी अवस्थामा रहेका छन् । विशेष गरी विवादित एमसीसी सम्भौता अनुमोदन गर्ने विषय र सरकार एवं पार्टीको समीक्षाका विषयामा सदस्यहरुले कडाइपूर्वक आफ्ना कुरा राख्ने बताएका छन् ।
बुधबार सुरु भएको बैठकको पहिलो दिन अध्ययद्वय केपी शर्मा ओली र पुष्पकमल दाहाल प्रचण्डले सम्बोधन गरेका थिए । सम्बोधनका क्रममा एकअर्कामाथि तितो पोखिएको भन्दै कतिपय सदस्यहरुले बैठकपछि निरासा समेत पोखेका थिए ।
दुई अध्यक्ष र नेता माधव कुमार नेपाल पक्षधरहरुबीच तिब्र घोचपेच हुनसक्ने अनुमान गरिएको छ ।
प्रतिक्रिया