काठमाडौं । नेपाल कम्युनिष्ट पार्टी (नेकपा)मा विबादकम हुनुको सट्टा चुलिंदै गएपछि प्रधानमन्त्री केपी शर्मा ओली निकटका शिर्ष नेताहरु अर्का अध्यक्ष पुष्पकमल दाहाल प्रचण्ड भेट्न खुमलटार पुगेकाछन् ।
पार्टीमा देखिएको विवाद समाधानको प्रयास स्वरुप पार्टीका कार्यकारी अध्यक्ष प्रचण्डले प्रधानमन्त्री केपी शर्मा ओली निकटका नेताहरुसँग छलफल गरेका हुन् ।
पार्टी महासचिव विष्णु पौडेल, संसदीय दलका उपनेता सुवास नेम्वाङ, रक्षामन्त्री ईश्वर पोखरेल र राजनीतिक सल्लाहकार विष्णु रिमाल प्रचण्डलाई भेट्न खुमलटार पुगेका छन् ।
पार्टीमा देखिएको विवाद र समाधानको प्रयासका विषयमा प्रचण्डसंग छलफल चलिरहेको नेताहरुको भनाइ छ ।
यसअघि हिजो प्रधानमन्त्री ओलीले आफू निकटका नेताहरुसँग मात्रै बालुवाटारस्थित निवासमा छलफल गरेपछि प्रचण्ड र माधव नेपाल पक्षका नेताहरुले झम्सीखेलको एक रेष्टुरेन्टमा आफू निकटका नेताहरुसँग संयुक्त छलफल गरेका थिए ।
स्थायी समितिका ३१ सदस्य सहभागी सो छलफलले ओलीले प्रधानमन्त्री र पार्टी अध्यक्ष दुवै पद छाड्नुपर्ने निष्कर्ष निकालेको थियो ।
प्रतिक्रिया