काठमाडौं । सत्तारुढ नेकपा स्थायी समितिको बैठक बस्नुअघि प्रधानमन्त्री केपी शर्मा ओलीले मन्त्रिपरिषद् बैठक बोलाएका छन् ।
बालुवाटारमै बस्ने गरेको स्थायी कमिटी बैठक अघि प्रधानमन्त्री ओलीले आज बिहीबार मन्त्रिपरिषद् बैठक बोलाएका हुन् ।
बैठकको समय सँगसँगै पर्दा नेकपा भित्रको विवादको प्रभाव मन्त्रिपरिषद्मा पर्ने पो हो कि भन्ने आंशका जनाइएको छ ।
यद्यपी, हरेक बिहीबार मन्त्रपरिषद् बैठक बस्ने गरेको छ ।
मन्त्रिपरिषद् बैठक बस्नु अघि प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेट गरेका छन् । स्थायी समिति बैठक अघि मन्त्रिपरिषद् बैठक बोलाउनु र त्यसअघि राष्ट्रपतिसँग परामर्श गर्नुलाई राजनीतिक चासोका रुपमा हेरिएको छ।
यसअघि गत मंगलबार पनि ओलीले स्थायी समितिको बैठकअघि र पछि दुईपटक राष्ट्रपति भण्डारीलाई भेटेका थिए।
बुधबार प्रधानमन्त्री ओलीले केही मन्त्री र निकट नेता एवं सांसदहरुसँग बालुवाटारमै छलफल गरेका थिए ।
पार्टीीभत्रको विपक्षी तर बहुमत सदस्यसहितको गुट सक्रियताका साथ आफुलाई हटाउन लागेपछि ओली यतिबेला अभूतपूर्व राजनीतिक संकटमा रहेका छन् ।
बिहीबार बिहान ओली निकट स्थायी कमिटी सदस्यहरुले नेकपाका अर्का अध्यक्ष पुष्पकमल दाहाल प्रचण्डसँग भेट गरी पूर्व सहमतिका साथ अघि बढ्नुपर्ने प्रस्ताव गरेका थिए । जवाफमा प्रचण्डले सबै पक्षबाट भएका गल्ती कमजोरीमाथि समीक्षा हुनुपर्ने बताएका थिए ।
प्रतिक्रिया