काठमाडौं । सरकारले संसदको बजेट अधिवेशन अचानक अन्त्य गरेपछि सत्तारुढ नेपाल कम्युनिष्ट पार्टी नेकपाको अन्तसंघर्ष झन बढी पेचिलो बनेको छ ।
प्रधानमन्त्री केपी शर्मा ओलीले राष्ट्रपतिलाई भेटे लगत्तै आयोजना गरेको मन्त्रिपरिषद् बैठकबाट बिहीबार मध्यान्न संसद अधिवेशन अन्त्य गर्ने निर्णय भएको थियो । त्यसलगत्तै राष्ट्रपतिले संसद अधिवेशन अन्त्य भएको घोषणा गरिन ।
दिउ्रँसो नेकपाका अर्का अध्यक्ष पुष्पकमल दाहाल प्रचण्डले राष्ट्रपतिसँग भेट गरेका छन् । त्यसपछि भने बालुवाटारमा नेकपा बैठक पुनः सुरु भएको छ ।
मन्त्रिपरिषद् बैठक सकिए लगत्तै बसेको नेकपा स्थायी कमिटी बैठक केहीबेरमै स्थगित भएको थियो ।
बैठक स्थगित भएपछि अध्यक्षद्वय ओली र प्रचण्डबीच केहीबेर छलफल भएको थियो ।
छलफल सकारात्मक नभएपछि प्रचण्डले राष्ट्रपति विद्यादेवी भण्डारीलाई भेटेका हुन् ।
प्रचण्ड फर्किएपछि बैठक पुन सुचारु भएको हो । तर बैठकमा ओली भने उपस्थित छैनन् ।
प्रतिक्रिया