१६ चैत्र २०८०, शुक्रबार | March 29, 2024

शुक्रबारदेखि जिल्लाभित्र सार्वजनिक यातायात सञ्चालन हुने, भाडा ५० प्रतिशत महंगो



काठमाडौं । सरकारले जिल्लाभित्र सार्वजनिक यातायातका साधन सञ्चालन गर्न दिने भएको छ ।

बिहीबार मन्त्रिपरिषद्का निर्णय सार्वजनिक गर्दै सरकारका प्रवक्ता अर्थ र सञ्चार तथा सूचना प्रविधिमन्त्री डा. युवराज खतिवडाले हरेक जिल्लाभित्र सार्वजनिक यातायात संचालन गर्न दिने निर्णय भएको जनाएका हुन् ।

काठमाडौं उपत्यकाभित्र तीनै जिल्लामा र उपत्यका बाहिर सम्बन्धित जिल्लामा यातायात सञ्चालन हुनेपाउनेछ । तर यातायात सञ्चालन गर्दा सञ्चालकले सुरक्षाका मापदण्ड भने पूरा गरेको हुनुपर्नेछ । स्वास्थ्य मापदण्ड पालना गरी सार्वजनिक यातायात सञ्चालन गर्न दिने निर्णय भएको मन्त्री डा युवराज खतिवडाले बताए ।

सार्वजनिक यातायात चलाउँदा गाडीका सिट क्षमता भन्दा आधा मात्र यात्रु राख्न पाइने छ भने यात्रु र गाडीका कर्मचारीले मास्क लगाउनुपर्ने अनिवार्य गरिएको छ ।

सिट क्षमताको आधामात्र यात्रु राख्न पाउने भएपछि साविकको भाडा दरभन्दा ५० प्रतिशत बढी भाडा लिन पाउने गरी यातायात सञ्चालन गर्न दिन लागिएको हो ।
सबै गाडीको ढोकामा स्यानिटाइजर राख्नुपर्ने, सवारी साधनभित्र सामाजिक दुरी हुने गरी यात्रु राख्नुपर्ने नियमलाई गाडी सञ्चालकहरुले कडार्ईपूर्वक पालना गर्नुपर्नेछ ।

यसैगरी जोर–बिजोर प्रणाली अनुसार शुक्रबारदेखि नै सार्वजनिक यातायात सञ्चालन हुनसक्ने मन्त्री खतिवडाले जानकारी दिए ।

यसैगरी, चालक बाहेक दुई जनासम्म यात्रु बोक्न पाउने गरी ट्याक्सीमा सञ्चालन अनुमति पनि दिइएको छ । एकै परिवार यात्रुहरु भए पाँच वर्ष मुनिका बालबालिकाले दुई जनाबाहेक पनि चढ्न पाउनेछन् ।

प्रकाशित मिति : २५ असार २०७७, बिहिबार  ५ : ३२ बजे

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर

एन आई सी एशिया बैंकले मनायो सप्ताहव्यापी ‘ग्लोबल मनी विक २०२४’

काठमाडौ । एन आई सी एशिया बैंकले वित्तीय साक्षरता अभिवृद्धि

मन्त्री फेरिँदैमा सरकारको नीति परिवर्तन हुँदैन : अर्थमन्त्री पुन

काठमाडौं । अर्थमन्त्री वर्षमान पुनले निवर्तमान अर्थमन्त्री डा. प्रकाशशरण महत