बुटवल । ईनरव्हिल क्लब अफ मिड्टाउन बुटवलको ११ औं पदहस्तान्तरण कार्यक्रम बुटवलमा भएको छ ।
लक्ष्मी क्षेत्रीको अध्यक्षतामा भएको कार्यक्रममा वर्ष २०२० /२०२१ का लागि नवनिर्वाचित अध्यक्ष मिठु टण्डनको नेतृत्वले पदभार ग्रहण गरेको छ । सोहि अबसरमा नया अध्यक्ष टण्डनले आफ्नो वार्षिक कार्ययोजना र प्रतिबद्धता समेत ब्यक्त गर्नुभएको छ ।
टण्डनले महिलाहरुको क्षेत्रमा विभिन्न तालिम, स्वास्थ्य सचेतना लगाएतका कार्यक्रम संगै केही पुराना कार्यक्रम हरुलाई निरन्तरता दिने बताउनुभयो ।
टण्डनले वर्ष २०१९ /२०२० का अध्यक्ष लक्ष्मी श्रेष्ठबाट पदभार गर्नुभएको हो । सो कार्यक्रम ईनरव्हिलका डिष्टिक ३५० का निर्वतमान डिस्ट्रीक चेयरमेन समिरा ध्वजुको प्रमुख आतिथ्यतामा भएको थियो । सो अवसरमा क्लवको वर्ष २०२०/२०२१ को डाइरेक्टरी विमोचन पनि गरिएको थियो ।
कार्यक्रममा बर्ष २०१९ /२०२० सचिवका सिता खनालले २०२०/२०२१ का सचिव रञ्जना गौतमलाई माइनन्युट हस्तान्तरण गर्नुभयो । सो अबसरमा चार्टर प्रेसीडेन्ट आशा श्रेष्ठ, सल्लाहकार भारती जोशी, कार्यक्रम संयोजक तथा सल्लाहकार राधा भट्टराई, पत्रकार रिमा बिसी लगायत बोलेका थिए ।
क्लवले आफ्ना गतिबिधि प्रचार प्रसारमा योगदान पुर्याएको भन्दै पत्रकार अस्मिना पान्डे, कल्पना डुम्रे ज्ञवाली, र पुजा पन्थीलाइ सम्मान गरेको थियो ।
प्रतिक्रिया