बुटवल । कोरोना भाईरसको संक्रमण रोक्न आशिक लक डाउन जारी छ । यस्तो बेला विभिन्न रोग तथा दुर्घटनाका बिरामीहरुलाई रगतको अभाव छ । रगतको अभाव रोक्न बुटवलमा शनिबार आकस्मिक रक्तदान गरिएको छ ।
नेपाल स्वयंसेबी रक्तदाता समाज, बुटवल लेडि जेसिस तथा लायन्स क्लब अफ सिद्धबाबा भृकुटीको संयुक्त आयोजनामा रक्तदान गरिएको संयोजक कमला पन्थले बताईन ।
नेपाल रेडक्रस सोसाईटी रक्तसंचार केन्द्रको प्राविधिक सहयोगमा भएको कार्यक्रममा ७० युनिट रगत संकलन भएको संयोजक तुलसा न्यौपाने सिहले बताईन । कार्यक्रमको पिएमजिएफ सुनिल ओझाले उद्घाटन गरेका थिए । सामाजिक कार्यमा अग्रसर क्लबहरु एकतावद्ध भएर अघि बढ्नुपर्ने उनले बताए ।
कार्यक्रममा डिष्ट्रिक डिपार्टमेन्ट चिफ अमृता कालिराज, एरिया चिफ एमजेएफ सन्दिप कसौधन, नेपाल स्वयंसेवी रक्तदाता समाजका अध्यक्ष कृष्ण चौहान, बुटवल लेडि जेसिस पुर्व अध्यक्ष राधिका पोखरेल, क्लबका अध्यक्ष कल्पना पाण्डे, क्लबका सचिव सुमन पछाईले हरेक क्लबहरुले वार्षिक कार्ययोजना बनाउदा रक्तदानलाई महत्व दिनुपर्ने सुझाव दिए ।
प्रतिक्रिया