धरान । बीपी कोइराला स्वास्थ्य विज्ञान प्रतिष्ठानमा उपचारत एक जना कोरोना संक्रमितको मृत्यु भएको छ ।
मृत्यु हुनेमा सप्तरीको राजविराज नगरपालिका ६ का ७३ बर्षिय पुरुष रहेको स्वास्थ्य कार्यालय सप्तरीले जनाएको छ ।
ब्यापारको शिलशिलामा भारतको विभिन्न व्यापारीक सहरमा आउजाउ गर्ने गरेको उनलाई भारतबाटै संक्रमण सरहेको अनुमान गरिएको छ । स्थास्थ्य कार्यालयका अनुसार उनको धरानमा उपचारकै क्रममा स्वाव संकलन गरि परीक्षणक लागि पठाईएको थियो ।
बीपी कोइराला स्वास्थ्य विज्ञान प्रतिष्ठान धरानका प्रवक्ता डाक्टर निदेश सापकोटाका अनुसार वृद्धलाई बुधबार अस्पताल भर्ना गरिएको थियो ।
मधुमेह, उच्च रक्तचाप र मुटु रोगको उपचारका लागि भर्ना भएका वृद्धको उपचारका क्रममा बुधबार नै स्वाब संकलन गरिएको थियो । बिहीबार कोरोना पोजेटिभ रिपोर्ट आएपछि उनलाई आइसोलेसनमा भर्ना गरिएको थियो । आइसोलेसनमा उपचारका क्रममा बिहीबार नै मृत्यु प्रवक्ता डाक्टर सापकोटाले बताए ।
मृतक प्रदेश २ सप्तरीका स्थायी बासिन्दा भए पनि प्रदेश १ मा उपचारका क्रममा मृत्यु भएको यो पहिलो घटना भएको बताईएको छ ।
थप १ जनाको मृत्युसँगै नेपालमा कोरोनाका कारण मृत्यु हुनेका संख्या ४० पुगेको छ ।
प्रतिक्रिया