काठमाडौं । नेपाली बजारमा आज बिहीबार पनि सुनको मूल्य प्रतितोला ५ सय रुपैयाँले वृद्धि भएको छ ।
नेपाल सुनचाँदी व्यवसायी महासङ्घले बिहीबारका लागि छापावाला सुनको मूल्य प्रतितोला रु ९४ हजार ५०० र तेजाबी सुनको मूल्य प्रतितोला ९५ हजार ६५ रुपैयाँ निर्धारण गरेको छ ।
बुधबार एकै दिन सुनको मूल्य प्रतितोला रु एक हजार ३०० ले बढेको थियो ।
बुधबार छापावाला सुनको मूल्य प्रतितोला रु ९४ हजार र तेजाबी सुनको मूल्य प्रतितोला रु ९३ हजार ५६० तोकिएको थियो ।
यस्तै चाँदीको मूल्यपनि प्रतितोला १० ले वृद्धि भएर एक हजार १४५ पुगेको छ ।
कोरोना भाइरसको महामारीपछि सुरु भएको सुनको भाउ बढ्ने क्रम अझै रोकिएको छैन । विश्वव्यापी रुपमा अमेरिका र चीनबीचको तनावपूर्ण सम्बन्धका कारण पनि सुनको भाउ प्रभावित भएको विश्लेषण गरिन्छ ।
प्रतिक्रिया