चिनियाँ राष्ट्रपति सि चिङफिङले बेइजिङस्थित ग्रेट हल अफ दि पिपुल्समा आयोजित विशेष कार्यक्रममा बायडु स्याटलाइट सिस्टम प्रयोगको सुरूवात गरेका छन् ।
बायडुलाई अमेरिकी ग्लोबल पोजिसनिङ सिस्टम जीपीएसको विकल्पको रूपमा लिइएको छ ।
केन्द्रीय सैन्य आयोगका उपाध्यक्ष जनरल स्याङ युसियाले ३० वटा स्याटलाइटको प्रक्षेपणसँगै वायडुले पूर्ण क्षमतामा काम गर्न थालेको भन्दै यसमा संलग्न वैज्ञानिकहरूलाई धन्यवाद दिए ।
कोरोना भाइरसको महामारिकै बीचमा पनि लक्षभन्दा ६ महिना अघि नै बायडु सिस्टम सुरू भएको छ । चीनको प्रविधिको विकासमा बायडुलाई कोशेढुंगा मानिएको छ । बाडडुको एक्युरेसी जीपीएसको भन्दा तीन गुणा बढि मानिएको छ ।
चीनले सबै यातायातमा बायडु नेभिगेशन सिस्टम प्रयोग गर्न निर्देशन दिएसकेको छ । अहिलेसम्म जीपीएसमा निर्भर चिनियाँ युद्धक विमानहरू समेत बायडुबाट निर्देशित भएका छन् । जसका कारण अमेरिकाले गर्ने कुनैपनि प्रविधिक आक्रमणको सामना गर्न चिनियाँ सेनालाई सजिलो भएको छ ।
अब चिनियाँ कम्पनीका मोवाइलमा समेत बायडु सिस्टम नै समावेश हुनेछन् । बायडुमा जीपीएसमा नभएको आवाजबाट समेत लोकेशन ट्रेस गर्नसक्ने बताइएको छ ।
सन् २०१८ बाटै चीनले बायडु सिस्टम प्रयोग गर्न थालेको थियो । तर, अन्तिम ३ स्याटलाइट प्रक्षेपणपछि बायडुले ३३ फिटदेखि १० सेन्टिमिटरसम्म पोजिसनिङ एक्युरेसी दिएको छ । जबकी जीपीएसको एक्युरेसी ३० सेन्टिमिटरसम्म रहेको छ ।
प्रतिक्रिया