काठमाडौं । पछिल्लो २४ घण्टामा कोरोना भाइरसका ६३८ जना नयाँ संक्रमित थपिएका छन् । यो संख्या धेरै दिन पछिको निकै धेरै हो ।
स्वास्थ्य तथा जनसंख्या मन्त्रालयमा आयोजित नियमित कोरोना अपडेटमा मन्त्रालयका प्रवक्ता प्राडा जागेश्वार गौतमले ६३८ जना संक्रमित थपिएको जानकारी दिएका हुन् ।
१० हजार ४६२ जनामा गरिएको पीसीआर परीक्षणमा ६३८ जना संक्रमित थपिएका हुन् ।
सबैभन्दा धेरै संक्रमित काठमाडौं उपत्यकामै थपिएका छन् । काठमाडौंमा ११०, ललितपुरमा १६, भक्तपुरमा ८ जना गरी १३४ जना संक्रमित थपिएका छन् ।
देशभर सक्रिय संक्रमितको संख्या ७ हजार २०१ रहेको प्रवक्ता डा. गौतमले जनाए ।
पछिल्लो २४ घण्टामा १७१ जना संक्रमितहरु निको भएर घर फर्किएका छन् । हालसम्म १६ हजार ६६४ जना व्यक्तिहरु निको भैसकेका छन् ।
प्रतिक्रिया