पोखरा । कोरोना भाइरसको संक्रमण बढ्दै गएपछि कास्की जिल्लामा आज रातिदेखि निषेधाज्ञाको घोषणा गरिएको छ ।
पोखरामा कोरोना रोकथाम नियन्त्रण र व्यवस्थापन समितिले विज्ञहरुसँग गरेको छलफलमा जिल्लाभर निषेधाज्ञा लगाउन सुझाव दिइएको थियो । लगत्तै जिल्ला सुरक्षा समितिको बैठक बसेर आजै रातिबाट ७ बजे गते राति १२ बजेसम्मका लागि निषेधाज्ञा लगाउने निर्णय भएको हो ।
हिजो बसेको जिल्ला सीसीएमसी बैठकले जिल्ला प्रशासन कार्यालयलाई निषेधाज्ञा जारी गर्न अनुमति प्रदान गरेको थियो ।
मंगलबार बसेको बैठकले ७ दिनका लागि निषेधाज्ञा जारी गर्दै त्यसलाई कार्यान्वयन गराउन सुरक्षा संयन्त्रसमेत परिचालन गर्ने निर्णय गरेको छ ।
निषेधाज्ञाअवधीभर अत्यावश्यक कामबाहेक अन्य गतिविधिमा रोक लगाइएको छ । आवश्यक परे निषेधाज्ञाको समयावधी थप हुनसक्ने जिल्ला प्रशासन कार्यालयले जनाएको छ ।
पोखरा महानगरभित्रै आज बिहान थप १५ जना संक्रमित थपिएका छन् । पोखरामा मंगलबार बिहान तनहुँकी एक महिलाको कोरोना संक्रमणकै कारण मृत्यु भएको छ ।
चाडवाड नजिकिएसँगै संक्रमणको जोखिम पनि बढ्दै गएको छ ।
प्रतिक्रिया